खोटांग युवा जागृति कतारको पाँचौ साधारणसभा सम्पन्न

क्रान्ति सिंह/राई रमेश गाउँले दोहा-

‘श्रमिकका समस्या समाधानमा संघसंस्थाको भूमिका अहम‘कतारवासी नेपालीविच सवैभन्दा पुरानो समाजिक संस्था खोटांग युवा जागृति सेवा समाजको ५ औं साधारणसभा गतसाता सम्पन्न भएको छ ।साधारणसभाले र्सवसहमतीद्धारा २१ सदस्यित नयाँ कार्यसमितीको स्थापना गरेको छ ।नवनिर्वाचित कार्यसमितीको अध्यक्ष राम गुरुङ, उपाध्यक्ष पुण्यप्रसाद रेग्मी र अमृत राई, सचिव हरिकुमार वस्नेत, सहसचिव महेश राई, कोषाध्यक्ष टंक भुजेल, सहकोषाध्यक्ष जिवन गुरुङ हुनुहुन्छ भने सदस्यहरुमा गोपाल घिमिरे, मिलन वानिया, पवित्र राई, वुद्धिराज राई, उदय खाती, कनक विष्ट, माधव प्रसाद आचार्य, वम व. नेपाली, डम्वर कटुवाल, नवराज घिमिरे, लोक व. दाहाल, ध्यानेन्द्र प्रसाद आचार्य, इन्द्र तामाङ, योञ्जन तामाङ हुनुहुन्छ ।सो कार्यक्रम संस्थाका अध्यक्ष राम गुरुङको सभापतित्वमा र नेपाली राजदूतावासका प्रथम सचिव रामकाजी खड्काको प्रमुख आतिथ्यमा सम्पन्न भएको छ । सो अवसरमा नेपाली प्रवासी आदीवासी जनजाती महासंघ कतारकाअध्यक्ष अमृत गुरुङ, एन.आर.एन.ए. आई.सी.सी. कतार प्रतिनीधी टि.वि.कार्की, गैर आवासीय नेपाली संघ दोहा च्याप्टरका अध्यक्ष कमलमणी गुरागाई विषेश अतिथी हुनुहुन्थ्यो भने स्थानीय संघसंस्थाका प्रतिनिधीहरुको ठूलो उपस्थिती रहेको थियो । ‘यूवाहरुको सक्षमता आजको आवश्यकता‘ भन्ने नाराका साथ आयोजित सो अवसरलाई संथाका सचिव हरिकुमार वस्नेतद्वारा प्रस्तुत कार्यक्रममा संस्थाका उपाध्यक्ष दुर्वासा गेलालले मन्तव्य तथा मेची-काली साँगीतीक समूहका कलाकारले गायनबाट स्वागत गर्नुभयो । प्रथमसचिव खड्काले उद्घाटन गर्नुभएको थियो । उत्साहप्रद उपस्थिति रहेको सो अवसरलाई वक्ताहरूले अर्न्तकृयाको अवसरकारुपमा पनि उपयोग गरे ।

नवविर्नाचित कार्यसमितिलाई शुभकामना दिने क्रममा प्रथम सचिव खड्काले आफुपनि खोटांगमै जन्मिएको र खोटाङ्गे संस्थाले सामाजिक कार्यमा उच्च लगनशिलता देखाएर अग्रस्थानमा स्थापित भएकोमा खुसी ब्यक्त गर्नुभयो । उहाँले कतारको कानुनका केहि उदाहरणदिँदै कुनै पनि नेपालीलाई गैरकानुनी तवरले यहाँ नवस्न र कुनैपनि संघसंस्थाले गैरकानुनी व्यक्तिलाई संघसस्थामा आवद्ध नगराउन आग्रह गर्नुभयो । ‘संघ सस्था र सामाजिक कार्यमा संलग्न व्यक्तिहरुको सहि पहिचान होस् भन्ने हेतुले दोहामा रहेका सवै संघसंस्थाका सदस्यहरुले आफ्नो परिचय-पत्रको प्रतिलिपि दूतावासमा बुझाउन दूतावासले र्सार्वजनिक सूचना गर्ने पनि उहाँले खुलाउनुभयो । कतारस्थित सम्पुर्ण नेपालीहरुको अभिभावकको रुपमा रहेको नेपाली दूतावासका प्रमुखको र्सार्वजनिक अभिव्यक्तिलाई लिएर विभिन्न संघसंस्था तथा पत्रपत्रिकाहरुले प्रतिक्रिया दिने गरेकोमा त्यसो न गर्न आग्रह गर्दै उहाँले मर्यादालाई ख्याल गरी ज्ञापनपत्र हस्तान्तरण गर्ने लगायतका वौद्धिक तरिकाले अगाडि वढ्नुपर्नेमा जोड दिनुभयो । दूतावास र संघसंस्थाहरुको राम्रो सम्वन्ध रहेमामात्र आम नेपालीहरुको भलो हुनेमा दुइ मत नरहेकोले ‘सौताको रिसले लोग्नेको काखमा पिसाव फेरे जस्तो‘ कार्य नगर्न उहाँले आग्रह गर्नुभयो ।

गैर आवासीय नेपाली संघ अर्न्तराष्ट्रिय समन्वय समितिका कतार प्रतिनिधी टि.वि. कार्कीले कुनै पनि संघसंस्था टुटफुटमा नलागि, हातमा हात र साथमा साथ दिएर आङ्खनो अभियानमा अग्रसर हुनपर्ने धारणा व्यक्त गर्दै सोही समारोहमार्फ प्रधानमन्त्री पुष्पकमल दाहाललाई हार्दिक वधाई ज्ञापन गर्नुभयो । अर्का विशेष अतिथी नेपाली प्रवासी जनजाती महासंघका अध्यक्ष अमृत गुरुङले मुलुक र्सवसहमतीमा संघिय लोकतान्त्रिक गणतन्त्रमा प्रवेश गरेको पर्रिपेक्ष्यमा राष्ट्रियतालाई मध्यनजर राख्दै भौगोलिक, धार्मिक, साँस्कृतिक तथा जातीय स्वायत्तताको आधारमा सवै पार्टि निकायवाट संघिय संरचनाको आधिकारिक घोषणा हुनपर्नेमा जोड दिनुभयो भने गैर आवासीय नेपाली संघ दोहा च्याप्टरका अध्यक्ष कमलमणी गुरागाईँले ‘कतारस्थित नेपाली समुदायभित्र सामाजिक गतिविधीमा खोटांग सेवा समाजभन्दा पहिला अरु कुनै पनि जिल्लास्तरिय संस्था आफूलाई जानकारी नभएको‘ प्रष्ट्याउनुभयो । आफु कतार भर्खरै आएको वेला खोटांग सेवा समाज लेखिएका टिर्-र्सटहरु नेपालीहरुले लगाएर हिँडेको देख्दा आफू अत्यन्तै खुशी हुने गरेको अनुभव उहाँले सुनाउनुभयो । स्थापनाकालको खोटांग सेवा समाज र केहि समयको निश्कृयतापछि स्थापना भएको खोटांग जागृति सेवा समाजलाई अहिले आएर एक सिङ्गो नयाँ सस्था ‘खोटांग यूवा जागृति सेवा समाज‘ नामाकरणका साथै अहिले आफु ५ औं साधारण सभामा उपस्थित हुँदा अत्यन्तै खुशी रहेको उहाँले बताउनुभयो । दोहामा रहेका ९९ प्रतिशत नेपालीहरु शारिरीक श्रम गर्ने हुनाले ती श्रमीकहरुका विभिन्न खाले समस्याहरुलाई समाधानको प्रकृयामा लग्नुमा संघसंस्थाहरुको अहम भूमिका रहेको उहाँले बताउनुभयो ।

सो अवसरमा नेपाल कतार पत्रकार संघका महासचिव कुमार कार्कीले कोही व्यक्तिहरुले पत्रकारहरुप्रति गलत धारणा बनाएकोमा दुख ब्यक्त गर्दै त्यसो नगर्न आग्रह गर्नुभयो । पत्रकार कहिल्यै पनि आफ्नो धर्मवाट टाढा नरहने उहाँको जिकीर थियो । ‘राम्रो कार्यको प्रसंसा संगसंगै हरेक प्रकारका गल्तीहरुलाई पनि औल्याउनुपर्ने पत्रकारको धर्म हो‘ उहाँको कथन थियो । समाजका पुर्ब अध्यक्ष तथा नेपाल कतार पत्रकार संघका कार्यवाहक अध्यक्ष राई रमेश गाउँलेले आफूलाई संस्थाको स्थापना हुँदाताकाका गतिविधीहरु जानकारी नभएको उल्लेख गर्दै आफू संस्थामा आएदेखि सक्रियताकासाथ संस्थामा कार्य गरेको र संस्थाको कोषाध्यक्ष हुँदै निर्वाचित अध्यक्षसम्म पुग्दा संस्थाको उद्देश्य अनुरुप धेरै कार्यहरु गरेको फेहरिस्त पेश गर्नुभएको थियो । संस्थामा भएका अनेक समस्याहरुलाई पहिचान र उन्मूलन गर्दै अहिलेसम्म आउँदा पनि अझै पनि आफ्नो जिल्लाबाट कतारमा आएका नेपालीहरुको माझ यो संस्था बाहेक अरु २ वटा संस्थाहरु भएको जानकारी गराउँदै यसबाट आफू अत्यन्तै असन्तुष्ट रहेको उहाँले वताउनुभयो । ‘ऐक्यवद्धता नभएमा सवै कार्यहरु गुण्स्तरविहीन हुने हुँदा सवैलाई एकठ्ठा गरेर गुणस्तरिय वनाउँदा बढि प्रभावकारी हुन्छ‘ उहाँले भन्नुभयो ।

कतारस्थित नेपाली समुदायमा सवैभन्दा पहिला ‘नेपाल सहयोग समाज‘को स्थापना भएको थियो । यद्यपि विधान र निर्देशिकासहित आधिकारीकरुपमा २०५४ सालमा संचालन भएको पहिलो संस्था खोटांग सेवा समाज रहेको संस्थापक सदस्य इन्द्र राईको दावी थियो । हालसम्म समाजले सहयोगमा मात्र क.रि. ८७ हजार खर्चेको उहाँको आँकडा थियो । नारायण प्रसाद चौधरी, विर बहादुर थापा, विमल सुवेदी, माधव प्र. भुसाल, नवराज श्रेष्ठ लगायतका अतिथीहरुले पनि सो अवसरमा आफ्ना धारणहरु राख्नुभयो ।
सो अवसरमा विभिन्न सांस्कृतिक प्रस्तुतीहरुका साथै अभिनन्दन कार्यक्रम पनि सम्पन्न गरियो । अभिनन्दन कार्यक्रमको संयोजन इन्द्र राई र प्रस्तुती चन्द्रशेर राईले गरेका थिए । संस्थाको स्थापनाकाल देखिनै मन वचन र कर्मले संस्थाप्रति सहयोग गर्ने र नवोदितहरुलाई प्रोत्साहित गर्ने उद्देश्य रहेको जानकारी उनले दिएका थिए । अभिनन्दित हुनेहरूमा गैर आवासीय नेपाली संघका सचिव सागर नेपाल, इञ्जिनियर नारायण चौधरी, कानूनी सल्लाहकार मक्सुद आलम, राई रमेश गाउँले र उदय खाती हुनुहुन्छ । सो अवसरमा नेपाली चेलीहरू अस्मिता पोखरेल, सानु, समा र तृप्ति केसीले नेपाली भोजनको प्रवन्ध गरेका थिए ।